De Tsjerne. Jaargang 12

[p. 33]

[Nummer 2]

Gjet Redema:
Maitiid yn 'e sted

de griene wale feit
wer oer de beammen
it is elk fier opnij
deselde maitiidspronk
de rook fan sé en dunen
wyndert mij tomjitte
en 't let neat dat ik hjir
bin en fier fan honk

de griene wale mei de
kleurde nopkes
yn it plantsoen hat men it
gers al skeard

en yn myn noasters bliuwt
de swietrook hingjen

it priuwen fan 'e maitiid
is mij net ûntleard