De Tsjerne. Jaargang 7

[p. 14]

Anne H. Boersma:

Hjersttafriel.

In grou grize loft
Leechhingjende wolken driuwe foarby.
Hjerstskilderij.

In grou grize loft
Mei der yn in greate kloft
Fan protters.
Dan, yn ien tel
Saeije hja del,
De wrotters
En tsjotterje yn 't miedelân
Hwer't boeren meane -
Giet 't oer de greate reis,
Sil hja de oare deis
Nei 't waerme suden fleane.

In grou grize loft
Dwerljende blêdden giel,
Hjersttafriel.

Hoenear.

Yn 't húske oan 'e heideseam
Biskûle ûnder boekebeam
En ticht big'roeide klimmer
Wachtsje ik jimmer.

Dêr yn dat húske oan de heideseam
Dream ik in dream
Fan dij en mij, en priuw dyn pea
Hoenear silst komme lea?