De Tsjerne. Jaargang 2

Rely Jorritsma:

Nijmegen 1946

Helena, oer it wetter rounom 't wâld
Doar ik yn ien fan al dy tsjustre beammen
Dyn namme net mear siikje.

'k Haw ek to lang by dizze eker libbe,
Myn each is wurch fan dêroer út to sjen,
Ik sil dit jier gjin greate beane plantsje.

Ik sil gjin boek fan Rudyard Kipling lêze,
Fan Ka de Slang of Toemai fan de oaljefanten,
Allinne op in berch, wer letter 't front....

Dyn lêste wurden wiene: ‘lês fan China’.
Ik die 't, en yn de iensumst' ûre fan de dei
Bin ik noch mei de roeken op de wei.