Trotwaer. Jaargang 29

Tjits Peanstra
Us Johan

Dit is 't ferhaal fan in gedicht
dat neffens smaak en aard,
net twa, net trije kear mar mear
dy deis foardroegen waard.
De juryleden hearden 't oan
wat moasten se ek oars
in nij bern sei wer: dit gedicht...
se brocht it firtuoas.

We reizgen nei in oare wrâld
dêr't alles fredich wie
twa jonges op in grouwe stien,
de moanne yn 't loftrom stie
en oer it fjild klonk hoar in stim
sa as men net mear heart,
in skepersliet fan jierren lyn
men hat hjoed ferleard.

Wy seagen krekt as yn in dream
eat fan dat paradys
sa't ús sa'n bern dy foardracht brocht
gefoelich en presys,
fan 't jonkje mei syn lytse freon,
se waarden feint en man
en jit ris hearden wy dan wer
dit fers hjit: Us Johan.