Trotwaer. Jaargang 23

[p. 86]

[Nummer 3]

Jan Dotinga

Seewiif

It seewiif leit it mei de weagen oan
Mei lea en lûd is 't sok moai lokjen
En wetterduvels spylje net swak by
It seewiif leit it mei de weagen oan
En 't slagget wifkers te fertokjen
Mei moaie skyn en ûnder 't biedwurd frij
It seewiif leit it mei de weagen oan
Mei lea en lûd is 't sok moai lokjen

[p. 87]

Wêzen

Der leit in wêzen yn 'e daam bedobbe
Ik haw myn oartsen der net om fersnobbe
Mar freegje my net wat of wa't it wie
Der leit in wêzen yn 'e daam bedobbe
En nei't der sein wurdt fan 'e see begnobbe
Miskien eat dat net folle minskliks hie
Der leit in wêzen yn 'e daam bedobbe
Ik haw myn oartsen der net om fersnobbe

[p. 88]

Bonkerak

Libben streamt troch 't wite hynstebonkerak
Soks bart by rûne moanne út 't easten
Dy't leauwe binne wol de measten
Libben streamt troch 't wite hynstebonkerak
Mar inkeld ien tinkt om syn leasten
Of glimket fyntsjes om kweageasten
Libben streamt troch 't wite hynstebonkerak
Soks bart by rûne moanne út 't easten

De rûndielen binne skreaun nei oanlieding fan De Skimmelruter fan Theodor Storm yn de prachtige oersetting fan Lieuwe H. Bouma.