Trotwaer. Jaargang 17

[p. 124]

Geart van der Zwaag
Fryske aquatrinen¹⁾

V

mochste ris tinke datst der no al biste
it is in eilân hear dêrsto op siste
in bûtenpôle oan in binnensee
- knikje de skoat aste dit lij ferlitste

1) út it skipsregister fan de ‘Wynharpe’

[p. 125]

VI

fiemje dyn lânfêst op en spiel de spitten
do hast sa lang al tsjin 'e pôle oan sitten
sa faak it izer yn 'e igge set
en bleauste farrensman en hast it witten

[p. 126]

VII

ûnder de pûster wurdt de saak útiten
tochste dy better yn 'e loech te biten
yn 't krúsrak heech en frij dyn slach te slaan
do kaamst yn oarmans wyn en dy útskiten

[p. 127]

VIII

hjir bin gjin iens'me hichten te berikken
hjir spat yn 'e ôfgrûn net it stiente stikken
ta wetter - hjir skolperet it almaroan
ta 't lytse lok fan om 'e sân in dikken