Fan 'e redaksje
Frouljuswurk
Yn 1983 kaam de Trotwaer-redaksje mei it útstel foar in frouljus-thema-nûmer. Ien fan de motiven wie, dat der sa'n bytsje wurk fan froulju ynkaam. Faaks soe in spesiaal-nûmer in oantrún wêze kinne.
Wy - as gastredaksje - binne dêrfoar mids '84 frege en it risseltaat is in moai tsjok nûmer. It produkt fan in soad skriuw- en praatwurk. Wy hawwe in protte meiwurking krigen, en dêrby die ús bliken, dat op allerhanne mêd froulju warber binne mei skriuwen, al fynt dat syn delslach faak net yn de Fryske tydskriften.
Wy ha net de pretinsje hân de typysk-froulike kanten yn it Frysk te beljochtsjen, mar stribbe nei fariaasje yn ynhâld.
It andert op de fraach oft ynhâld en sfear dúdlik oars wurden binne as dy fan in trochsneed Trotwaer-nûmer litte wy graach oer oan it oardiel fan de lêzer.
Tjits Peanstra,
Tine Piebenga,
Akky van der Veer,
Baukje Wytsma.
Auteursrechtelijk beschermd