Trotwaer. Jaargang 16

[p. 340]

Simen Veltman
Fers

Sneins nei de dieretún yn Emmen
Dêr't mear wykeinheiten sitte
En allinichsteande memmen
De bern kinne se drave litte

Dy sitte op skommels, klimme yn beammen
De bisten binne gau forjitten
Dan appelgebakjes mei slachrjemme
Studio Sport aenst net forsitte

By de útgong earst de foto's helje
Ek ien foar mem, heit sil bitelje
Prachtige kiekjes, earlik wier

Har freon is der, dus koart forhelje
Hy set wer ôf, hy sil noch belje
Kommende wike hat hy se net oer de flier