Trotwaer. Jaargang 16

[p. 248]

Sybe Sybesma: Fersen fan Raoul M. de Puydt

Myn polderdoarp

De himel is grien
Myn moed is blau
De peppels eagje
as útrutsen bonkerakken
oer it forkavele lânskip
dat sykhellet fan reek en lead
en as yn in twirre
forkwânsele wurdt
ta in stal sûnder foarm
sûnder antlit
sûnder hert

[p. 249]

Noardsé

Mei forstive tosken
hapstou stadichwei
yn op myn polderlân

Ik stoareagje sûnder útsjoch
nei de grize kobben
dy't it woltierôffal
losskuord út plastiken sekken
topikke yn wyn en stoarm

[p. 250]

Ofskie

Stjerre
is jins bistean forheffe
ta in foreale ‘ach, lit it mar’

Stjerre
is hwat men elke dei bilibbe
forarbeidzje ta ivige wearden

Stjerre
is de eagen tichtdwaen
foar de stiltme fan de echte joun