Trotwaer. Jaargang 15

[p. 11]

[Eppie Dam (vervolg)]

5

safolle bylden binne my ûntkommen
troch de skreven fan 't gehûch,
dat ik dit iene berne haw mei harsenkrêft
en as in lêste oantins yn 'e fingers hâld

ik lit har wer de wurdsjes sizze, út
in fier ferline waaie se my oan: memmy
memmy, nane-poppy-dwaan, nane poppy,
memmy bang - sjoch har mût'le hantsje

taast it my nei 't boarst? och myn leave,
leave dochter, tusken dy en my binn' stille
grutte oséanen, blauwe sluven fol begryp,
mar ha se ea dyn eachloaits by my brocht?

pastor hjir wol hawwe, ik soe bidde moatte
dêr foar jim - poppy poppy, sis ik dan
tsjin him, poppy hâlde, mummy mummy,
en ik koesterje myn lytse leave terafim