Trotwaer. Jaargang 15

[p. 7]

[Eppie Dam (vervolg)]

3

as woech it eigen fel my noch net swier genôch
en koe 'k it samar oan 'e hûd ferneare, sa ha se
lekkens oer my hinne lein en tekkens boppedat

as skimeren de swarte teisters my net algeduerich
as in ramt fan traaljes foar de eagen, sa ha se
my besluten, as wie in bêd net finzenis genôch

as wie ik noch net dea, sa ha se my hjir noch
te lizzen, op stjerren nei, tsjin better witten
yn, de kiste om 'e hoeke fan it doarskesyn