Trotwaer. Jaargang 15

[p. 5]

[Eppie Dam (vervolg)]

2

in nacht foarby: as in waarme wolken
tusken himel en ierde hat it bêd
my droegen, flinterlichte dreamen
bylâns en frij wie ik fan swiertekrêft

no by ljochtskyndei moat it flesk
yn 'e stegers, bombizige ruïne dy't
ik bin, bang dat ûnder it rinnen
de brouten my fan 'e bonken rôlje sille

soe de flier him net oan my fertille?
foarsichtich hifkje myn teannen
it deiljocht, as ien nacht iis
sa kâld en breklik