Trotwaer. Jaargang 13

[p. 388]

geart van der meer

de lêber

êê, wol dyn wyfke soms in kear net frije,
och bear dan mar, it bin ommers krekt kij ju -
as kealtsjes kin se noch wol boartlik wêze,
mar bin se grut, dan is dat faak foarbij ju.

de wrotter

har lea, har búk en boarsten, glêde billen,
o dêroan hoegdest dij net te fertillen
mar om har leaflyts hertsje te ferwrikken,
dêr hast op wrot dat dij de knibbels trillen.