Trotwaer. Jaargang 13

[p. 198]

geart van der meer

szene am bach

in dei fan skrouske wyn, lang lang reinen
brocht neitins oan ús tocht fan rothenburg
nei weikersheim, en oan dat brechje oer
de tauber, dêr't we eefkes ôfstapt wiene.

en ik bin dêr wer, en ek myn oankomst
wekket fleurigens, en yn creglingen
sil we it riemenschneideralter besjen,
en yn weikersheim it schloss. mar do komst

nêst mij stean, wij hingje oer de râne
te sjen nei ús ronflich byld yn 't sljurkjend
wetter. streamend. nea gelyk. is duorjend
it alter? it slot? kin keunst oerwinne

wat ús oerwint? nee. ienfâldich beton
is dit brechje. beethoven syn koekút
en kwartel hear ik net. dochs -: ien menút
libbens keunstwurk: do drinkst út dyn bidon.

[p. 199]

hurdfytse

fûl set er ta op syn fytske
fljocht mei in needgong
alles foarbij wat stilstiet
sjoch heit!

letter
op syn 10-fersnellingsfyts
stoot er ek noch foarbij
wat beweecht,
mar giet dochs stadiger -
gjin heit dy't it sjocht.