Trotwaer. Jaargang 13

[p. 122]

jelle kaspersma
heatwave 1980 I

nacht en lûden fan coyote rûnom
ûnder stjerren wachtsje wy
op 'e knibbels
yn dizze sirkel
tsjuster is ús wente
wy roppe wyn
him roppe wy
hear ús sjongen
hear ús rattel
omsirkelje ús
merkbyt ús út dizze rûnte wei
sealje seder tabak baarne wy
foar dy wyn
dus kom

[p. 123]

 

wyn komt

 

giet syn wei troch beammen

 

om it hiem

 

wy hearre him lústerjen

 

yn cottontrees en prairygers

 

dan komt er ús sirkel yn

 

hy lit de koallen fûler baarne

 

sealje seder tabak geurje

 

wy brûke ús earnfearren

 

wyn nimt reek mei

 

ûnder tsjuster en stjerren

 

bûge wy foar wyn

 

nacht is boppe oklahoma

 

en lûden fan coyote rûnom