Trotwaer. Jaargang 13

[p. 109]

jac. dykstra

kentering

elk lykwicht leit ûntheistere
tusken taskroeide poarjes
húsmannet machteleazens
ta stjerren kearde dieden
riuwe har oan stikeltried
om't der neat mear is
ferwaaie ús beklamme earms
litte brutsen hannen los

teroppe bylden op it netflues
rjochtsje harren nei de wyn

[p. 110]

[p. 111]

jac. Dykstra
rjochtline

iepenspalke yn 'e romte
rekket brekber ús pupil
dochs tûzenfâldich libben

net mear oan 'e ierde bûn
binne stjerren en planeten
heger as elk leauwe heech

boppe prysters en profeten
mei har oerwoeksen tinzen
wurdt alles wer ta wûnder