Trotwaer. Jaargang 12

[p. 215]

Geartsje Douwes

Súdafrikaanske band

21 maart '80

Tweintich jier - Sharpville:
gitaren gûle,
de swiere tromme -
it hert keart my om,
'k bin ienkear jong!
de swiere tromme
droant geweld!
kleure myn fel.
Wat sjongt de stim...
triennen
werhinne
nijbegjin?

Achter in skut
Tegwin sliept.
Syn namme betsjut
‘stil wetter’
Joy is syn mem.
Joy dûnset,
dûnset
dûnset...
har hier dûnset mei,
Joy dûnset har frij!