Trotwaer. Jaargang 12

[p. 73]

Lieuwe Hornstra
(Fersen)

Minske

God rôp de wrâld yn syn bistean,
it stien, it wetter, plant en dier:
dat is Syn wêzen.

Hy skoep de minske ta Syn lean,
de wil, de sûnde, swit, woltier:
sa is syn wêzen.

Unwennich fan by God to stean,
sa makket er syn libben wier
mei Him to wêzen.

[p. 74]

Winter

De einen steane op 'e snie
de hiele dei al yn birie:
soe ik noch komme mei it brea?
it is it libben of de dea.
O einen, 't makket sa'n forskil
as ik der aenst net wêze sil.

[p. 75]

Thús

Hwat stil, hwat rêstich de lânsdouwe -
is God hjir thús?
de swellen om it hûs
fordriuwe pine en de neven;
as aenst de moanne komt
fordwynt ek it fortriet.

[p. 76]

Enkhuzen yn maert

in aard fan snijen -
iggen lykas eilannen
yn roerleas wetter

[p. 77]

Fryslân

de ljochte moanne
boppe de meande greiden -
hwat rûkt it lekker!