Trotwaer. Jaargang 11

[p. 118]

Bartle Laverman
Ôfskie

dou krijst de fyts út hok, tút en
dou fluitest dyn fuortgeandeuntsje
de terp ôf de dyk oer
dou nimst de bochten by Lutke Saaxum
it lân is ploege, de geit kôget syn gers
dou giest it brechje oer
de fiergesichten! sa rûm en iepen
en by Saaxumhuizen de hôfkant út
de houn mei de blauwe tong
hwat in lân
vrijdag en zaterdag appels te koop
it dykje nei Pieterburen
kalkoenen by de pleats oan it maar
hé, in houtakster
De Vier Winden
de earste dyk de polder yn
dou setst dyn fyts by in hikke
dou rinst de dyk op
en del
it Waed!
troch it slyk
de sé yn