Trotwaer. Jaargang 9

[p. 240]

Mayke Sakis

Bernsk woarn

de stilte sjocht
har eagen nei
de tinzen lizze
oer de flier
it sykjen nei 't begjin is oer
dit is in libbenslang gerjocht

de drokte stekt
har holle oer
de sûker kreaket
op 'e groun
har bern sil komme fan 'e moarn
(der wurdt sein hy is al jierren dea)

de dei die falt har
út de hân
de sliep op 't kastje
neist har bêd
forvaret yn in swarte kûle
mar der is gjin ontkommen oan

[p. 241]

Âld wurde

it tafelkleed leit altyd rjocht
hja sykje net mear
om 'e skjirre
de bern bin troud
it hû wurdt rom
de ein komt tichterby
it wetter út de kraen
foroaret stadichoan
yn gloor

[p. 242]

Skoalle

doe't ik siik wie
kaem master mei twa
grouwe jaffa's
hielendal op de fiets
troch de kjeld - foar dy fanke-
mar nou't ik better bin
skopt er my nei de gong
yn de kjeld - dêr dêr fanke-

[p. 243]

Mestte

och kealtsjes dy't berne wurde
as jim boltsjes binnen
meije jim tretsjen wiken
jim bealch útsette litte
om dan yn 'e koelhûzen to
lizzen yn smelle stikjes
(och sok wyt fleis)
wy moatte god tankje
dat jimme memmen der gjin
weet fan ha