Trotwaer. Jaargang 9

[p. 169]

Eppie Dam
Linnen

hja founen 't lyk
en slopeguod
bistive yn har leauwe

stil yn wyt bisletten
tusken lekkens opteard
lei har libben

hja hie gjin kunde
oan it deiljocht
en har sibben

hja founen 't lyk
en linnen wyt as snie
dat tiid en bêd
forgetten wie

wurden wiene
yn har lot bihurde
god siet stisele
yn 't gebet

hja founen 't lyk
en linnenguod
fol sear en izersmet