Trotwaer. Jaargang 9

[p. 52]

Geart v.d. Meer
Soms

soms sjochst in stien
dy't leit to glinst'rjen
yn it sân-
mar wolst him mei dyn fingers gripe
troch dyn fingers rûgelt sân.

soms yn in dream
is hja in put en
dou in stien
dou falst en hja falt dij tomjitte -
wekker falt der dochs mar ien.

soms op in moarn -
nacht is oer en lepen
it gerdyn -
driuwt heech yn 't blau in reade draek
frij? ûnfrij? o tou, o wyn!