Trotwaer. Jaargang 8

[p. 304]

Daniël Daen
Fersen

Swalker

Jo smeule nei yn harnen fan't ûnthâld
hoe wyt ik hwat dy glimpen wurdich binne
byldflarden omearmingen fan Jins biwâld
sil myn wêzen Jo dan nea ûntrinne kinne

hjitfolging dy't gjin lichten docht
myn freegjen oft soks nedich is
gjin andert, in freegjen om'e nocht
ik bin in swalker tusken ûnthâld en forjitnis

[p. 305]

Forlern

bin ik al berne
en is it bûtenwrâld
dat kâld birit naem hat fan myn ûnthâld
soms fiel ik faech in skok fan foarbistean
of't widzjen fan Jou bloed yn sirkelstream

lit my noch ienkear sweevje yn Jou skoat
werom brocht ta de djipste kearn

[p. 306]

Forjitnisrânne I

Jo tochten mei my to boartsjen yn fasen fan forjitnis
it tonkjetútsjend sobjen op 't selde pipermintsje
wurdtsjes dy't my forheven: ik forlegen-wie de bêste
tusken almans kweade dieden en oar gemis

Jou skelk en eager forhellen foar Jo út
wie't wol bistimd foar berneëaren?
hwat jin net past hellet it ûnthâld der út:
in heitehaet as fuotstik foar de mem
twa wiffe pylders fan hjoeddeisk bistean

folwoeksen wis, binn' Jo it al wer forgetten
my bliuwt it bern fan it geheimenis omsletten

[p. 307]

Hjitfolging

wer dûk' Jo op yn stammertinzen
brokstikken fan in mem, goadinne fan in mythe
ik haw't al faker sein: hâld op, hoe soe
it rikformogen fan myn gerit Bean oer de grinzen
steld fan Jou eigen prototype

'k bin mar in kuijer troth de ivichheit
in stip yn tiid en strjitte
slyt Jou hjitfolging einlings oan gerjochtichheit
lit my mei rêst ik wol forjitte