Trotwaer. Jaargang 8

[p. 152]

Theun de Vries
Fûgels troch in albasten tek II

Abdoella Ibn al-Moe'tazz (861-908)

Sjuch de leaflikens fan 'e moanne dy't opkomt.
Hja toskuort de nacht; skôgje dy seine fan silver
Dy't in swarte greide meant, fol wite titelroazen.

*****

Wyn streamt read en rij troch dizze tún
En de douwen krite fûl en fûler.
Skeld de tûken net omdat hja dounsje.
Dronken binne hja fan sang en drank.

*****

It hynstefolk fan 'e dauwe rydt oer it blommeguod
Jage troch de swipe fan 'e wyn

It fjild klaveret wylst it stilstiet

*****

As fjûr oanbalge wurdt
- Hout en houtskoal -

Sjitte flammen op as goudene seders

*****

[p. 153]

 

Ik wol net drinke yn ûnrant ûnder in loft

 

As de bealch fan in wylde ezel,

 

 

 

Likemin ûnder in tek dat reinwetter mei lekke muorren

 

Teamzet, en bergen smoarge dridze ynlit.

 

 

 

Ik wol drinke yn'e moarn as de himel daget

 

 

 

Yn in kaftan fan ile side

 

 

 

En it eastewyntsje in kuijerke makket troch de tún

 

Fol blossoms dik fan dauwe

 

 

 

En de heldere sinne flimert as in gloednije daelder

 

 

 

*****

 

 

 

Wy moatte inoar inkeld by tsjuster treffe.

 

De sinne is buorljue's praet, de nacht

 

In poaijer dy't mei bordeelgerdinen

 

 

 

Mannich ôfspraek omskadet.

 

 

 

*****

 

 

 

Tiid, dû hast my gjin freon mear litten.

 

Yn dyn libben is gjin goedlikens.

 

 

 

Dû fretst myn maten op en seist

 

My dan mei de noas yn 'e wyn goedei.

 

 

 

In rimpen famke kaem by my op in nacht

 

Ien en al rep om har ûnskild te fordwaen.

 

 

 

Wylst hja roun sei har liif tsjin de wyn:

 

As it dy earnst is dan is dit de slach

 

 

 

Om tûken to forweegjen.

 

 

 

*****

[p. 154]

 

Har antlit mids derten hier: in forlerne moanne.

 

 

 

De opsjenner dy't hja oanbistege hiene

 

Waerd dronken en stoareage slieprich nei my;

 

 

 

Hja bleau en learde my hoe't har mûle preau.

 

 

 

*****

 

 

 

Wy forsûpten yn reinwetter

 

(Hwer't de ien of de oar om bidden hie).

 

De sinne bisiket mei jichtige eagen

 

Troch de sêfte wolk to pylkjen,

 

Krekt in kween fan in fint dy't him noch

 

Yn in grien famke triuwe wol.