Trotwaer. Jaargang 7

[p. 44]

Eppie Dam
Fersen fan in fakansje

·
doe't ik hjir foet oan lân sette
wie der krekt wer de jierlikse lytse ierdbeving
by wize fan moeting
by wize fan tút oan myn fuotten
om't wy inoar minne yn 't rare

·
dy't foar my roun op 'e pier
syn lears dreau as in leadswiere wolk
oer de kreakjende krab
dy't ik amper
bliedend ûntwiek

·
gjin noed oer de frede
op 'e kamping boartsje dútske bern
mei wetterpistoaltsjes
boppedat sjitte hja min
en allinne op inoar

[p. 45]

 

·

 

hjoed rein

 

mar om't it july is en wy yn tinten wenje

 

ha we akkoarte

 

dat it swit

 

fan 'e sinne is

 

 

 

·

 

tsjinwyn

 

ik stean kursyf yn it lânskip

 

dat de loften

 

lêze my

 

mei klam

 

 

 

·

 

aenst yn harns

 

sjit elk wurd troch my hinne

 

as in Ijochtpylk en tongerslach

 

rattelje tuten

 

bitter de kaei del