Trotwaer. Jaargang 5

[p. 135]

Bartle Laverman

In dei tomjitte

bûten sliep
de stoomfluit tsjirmt

wol de dei net wachtsje
de groun fan it ierappel
antlit wosken

de kop tusken de skouders dûkt er
fannijs de moarnskjeld yn
krûmpoatich
in dei tomjitte

fol modder

[p. 136]

Birjocht

lêste dagen sûnder wille
ú tkoarre
in mislearre grap
dit suorjend biwustwêzen

tong
dûbelder as ea
werom yn it kielsgat gliden

de griene blêdden
einliks
ta it noasgat útkomme
genietsje ik myn novimber
yn it reach fan myn harsens
silliger