Trotwaer. Jaargang 2

Jan Dotinga / Steande motiven

Minsken blaze
út in wûnderlik great gat:
mei de mûle fan in
gapjende fisk,
mei iepen nawles fan eangst.

Se binne de tried kwyt
en rjochtsje harren op
fuotstikken
tusken himel en ierde.

Binne totempeallen,
miswoechsen pylders fan fortriet
en ûnmacht
en nachts

nachts
skrine de groeden.

Nei: UPRIGHT MOTIVES '56-'58.

Henry Moore.

uitgez. 23-9-'70