Trotwaer. Jaargang 2

[p. 12]

Teije Brattinga / Fers

Se skriuwe:

kopij leafst yn masineskrift

oars dúdlik hânskrift

mar hokker hân is dúdlik

hokker hân set de stikken yn 't gelid

as amers yn it amerrak

himmele en skytskjin

dêr't it masineskrift fan de koöperaesje

him yn spegelt

mar net de hân fan de knul

dy't út syn hert wei skriuwt

dat wif is al klopt it fûl

krekt dêrom, omdat -

in dúdlik hânskrift

anno 1970 kontradictio yn terminis

leafst yn masineskrift