Trotwaer. Jaargang 2

Lithografy / Steven van der Meer

by nou en by dan
wurdt wer in magyske sirkel roun
in minske keart ta stof werom
lichem en hoeder falle gear
sa dogge de libbenden ek de hannen
en swije of leagenje

âlde minsken by it leedfolk
binne bleek
- ja hwat wolle jo; trije kear it hôf om -

ek de libbenden keare werom
foar goed hâlden en dragen
krije hja in swiete acht

it wie in goed minske
it wie in moaie deade

alles giet foarby
inkeld it lispeljen fan reinwetter tusken keizels
de deaden swije, de wrâld leit harren kâld

uitgez. tel. 26-12-'69