Trotwaer. Jaargang 1

[p. 93]

R.R. van der Leest / Gedicht

soms as je neaken en mei jesels forlegen
yn sa'n moderne baeikeamer sûnder drompel steane
middenmank forblynjend wyt sanitair
hwat foarmjowing oanbilanget o sa trochtocht
en tomjitte kommend oan alle hygiényske easken fan de tiid
soms kin it barre dat yn dizze skjinne wrâld
in rûch kattepoatsje mei roazige kessentsjes
ûnder de doar troch komt en mei je boartsje wol
en as je it dan sels ien finger tastekke
bigjint in tankber suver gnoarjend snuorjen
troch de sterile stilte