Trotwaer. Jaargang 1

[p. 54]

Geart van der Zwaag / Plan 1970

Konsept

Yn 'e Algemiene Ledegearkonste fan de foriening ‘De Fryske Bibleteek’ yn augustus dit jier levere Geart van der Zwaag krityk op de wenstige foarm fan de Rely Jorritsmapriisútrikking.

De foarsitter fan ‘De Fryske Bibleteek’, Tsj. J. de Jong, ferge him doe op in útstel dat foar better stie.

Plan 1970 is dêr in antwurd op.

Yn 'e Algemiene Ledegearkonste fan de foriening ‘De Fryske Bibleteek’ yn augustus dit jier levere Geart van der Zwaag krityk op de wenstige foarm fan de Rely Jorritsmapriisútrikking.

De foarsitter fan ‘De Fryske Bibleteek’, Tsj. J. de Jong, ferge him doe op in útstel dat foar better stie.

Plan 1970 is dêr in antwurd op.

I Oan it bigryp rely-relly mear ynhald jaen

*	hyltyd twa skriuwers/dichters helje de priiswinnende auteurs moarns daelks mei fleurige antyk/popauto's fan hûs, trein, bus...
	fens fan de auteurs bin tige wolkom sels foar forfier soargje
*	fan rounom wei sette de selskippen op Mantgum ta, hâlde ûnderweis yn stêdden en doarpen, der't hja - fuort by de tsjerkhôven - har nijste teksten útsprekke
	tink om 'e goedkarringen tink f'ral goed om 'e gemeentlike goedkarringen hwant samar soks bliuwt noch lang forbean

[p. 55]

*	de Rono forsoarget yn skeakelprogram de roetes lâns direkte radioreportaezjes: koarte skerp/boartlike ynterfjoes mei priiswinders, oare skriuwers, fens, lju fan stêd en doarp
	graech gjin gesachsfigueren it moat forrassend bliuwe

II.... Sa'n fers wol nei de minsken ta (Obe Postma silger)

*	de bikroande rely-teksten wurde tsjin in bihindige priis lofts en rjochts útparte
	dêr is nouris (en yntiids!) hwat moais hwat fleurichs fan makke
	tink wol wer om 'e goedkarringen ja tink dêr goed om
*	ek wurde der programma's fan de Mantgum-middei útrikt
*	lit der ûnderweis geryd wêze om oan 'e relly mei to dwaen noegje elk om mei nei Mantgum hja sille it der goed ha fan iten en drinken: fersen en der hwat by

III Hwat hat boargemaster Kuiper mei it Frysk to krijen hwat de literatuer mei de oerheit

*	middeis toalve ûre Tsjerk Jehannes de Jong ûntfangt

[p. 56]

	de boargemaster fan Baerderadiel op 'e pleats to Skillaerd boargemaster is Boargemaster en gjin opbouwurker, dêrom sprekt er de tael fan 'e Keninginne en net oars boargemaster is yn 't neaken, hwant literatuer en keatlingen fordrage mekoar net dus: it keat yn 'e doaze
*	middeis ien ûre Tsjerk Jehannes de Jong spiziget de fiiftûzen yn 'e lytse sawne ûnder it mielbirêdden fan hippe mantgumer jongfammen fortelt de boer anekdoates út it libben fan bikende Baerderadielsters
*	middeis twa ûre Jo Smit, wurdfierder foar de Relyjury, strykt mei in helikopter del yn it finstik

IV Hwa hat de suvere stien, ja hwa

*	de jury hat, ear't hja sels in útspraek die, de ynkommen teksten foar bioardieling foarlein oan learaer en learlingen út it tredde jier fan de fryske pedagogyske akademy's
*	de priiswinders geane yn 'e slach om de publykspriis foar proaza en poézij se bringe sels har wurk of in part derfan tofoaren

[p. 57]

V De rinsping

*	Jo Smit biset in haeiwein útslach oardiel pedagogyske akademy's útslach publykspriis bikoarte juryrapport
*	de boer rikt de Rely Jorritsmapriis út
*	samar immen, yn 'e relly meitroaid, rikt de publykspriis út

Inkelde eftergrounprinsipes by it plan 1970 (foar dy't net tusken rigels troch lêze kin).

-	Brek mei it smoute ploechje.
-	Literatuer hat mei elk to krijen en mei alles.
-	Skep nije relaesjepatroanen.
-	Lit ek de mienskip oardielje.
-	Bilûk in breder oardiel yn de jury-útspraek.
-	Formulearje sa krekt mooglik hwerom't in forhael of in fers gjin priis helle, siz oars mar rounút dat jo it ek net witte, dat is sa earlik wol.
-	Bikroande teksten fortsjinje daelks útjown to wurden.
-	Krûp net jier oan jier yn in aelfolle, tryste riedshûsseale.
-	In priisútrikking mei in bitreklike saek wêze, it hoecht net mei tichte doarren.
-	Meitsje it hwat boartlik.
-	En doch it werris oars.