Trotwaer. Jaargang 1

[p. 275]

Jelle de Jong / Fersen

Simmer

.... en doe't wy dan as nuvere asceten
ôfskie namen fan 'e sex
ha wy ús dochs bifrijd field:

frjemde sirkels stiene om de moanne
en ek it gêrs wie oars
wy rûkten ek it hea wer
en de fûgels en de hynders
en de bern

nou en dan allinne
seach ien fan ús
- noch út tradysje -
nei syn gulp of nei in famkesbroek

en frege om forjowing

[p. 276]

Oarloch

de buerkerÿ lei stil
- algemiene staking -
ek de sinne - 72 ûre -
lei op 'e rêch

de hinnen hiene har al yn groeven
- soldaten yn it sân

op 'e heasleep 83^o fahrenheit

en fierder op it hiem
tusken it bargegêrs
stick boeresoan fan 76
- ûnwennich noch -
foar 't ears't syn fingers
by geartsje yn 'e bokse

de hinnen hiene har al yn groeven
- soldaten yn it sân