Trotwaer. Jaargang 1

[p. 203]

Steven de Jong / De leste kapitalist

tragysk gefal
hannele yn bonkemoal fan forhongere klanten
skoattele de doarren
die syn jaske út
en syn broek
biseach noch ien kear de lêste trien fan 'e famylje
yn it medaljon fan syn oerbeppe
sette de skonken yn 'e paraplubak
de holle op 'e kast
de penis hat er
o sa foarsichtich
yn in bijouterydoaske opburgen
neitiid hat nimmen ea wer hwat fan him fornaem

syn hûs is nou ús kultureel sintrum