Trotwaer. Jaargang 1

[p. 164]

Tjitte Piebenga / Myn seftgrien famke

***

myn sêftgrien famke fan de slimme sommen
hwer is hja hjoed myn famke fan sêftgrien
hja sit net yn de potplant foar de ruten
miskien is hja wol nei de wite mûs
of nei loailekkerlân.

***

myn sêftgrien famke fan de glêdde dounsflier
har gysten hier is de muzyk
soms dounset hja de hiele nacht

dan sliept hja deis wer yn myn hannen
of yn it pinnedoaske op 't buro
en as se wekker wurdt
dan giet se altyd fuort

noait bliuwt myn sêftgrien famke
har kommen is it ôfskie ek
allinne glimket hja
ik sjoch har skouders wer

***

myn sêftgrien famke sit wer op de ballústrade
it ljocht swimt breedút mei de flinterslach
aenst rint hja oer de booch fan reinen
en wiuwt goendei
dan giet hja dêr't de fûgel fljocht
mei oerliz nei de gouden poarte
dêr't wytwjok al fordronk

kroep hja mar yn myn festsjebûske
hwant altyd is hja wer fortriet
mar oeral sjongt se helderop
en lit de bledtsjes driuwe

[p. 165]

 

dan is hja wer foarby myn sêftgrien famke

 

gjin inkeld lûd past mear by har

 

en op 'e sechsde dei is hja to wurch

 

dan bart it wûnder net

 

 

 

***

 

 

 

myn sêftgrien famke fan de lette ûren

 

har fingers spinne smelle tinzen

 

en bolsters falle stadich ôf

 

dit is it brún fan de kastanjes

 

miskien de sechsde dei

 

 

 

hja lêst de fruchten fan de hjerst

 

de earten springe knappend út de húl

 

sa sit hja soarchsum op in ikel

 

en wiist de fruchten oan

 

mei wite seilen driuwt de hjerst foarby

 

 

 

hja sjongt de dingen dy't oergean

 

en as hja aenst it lekken spriedt

 

oer it paed mei de wite hânwizers

 

falle wankelmoedich blêdden ôf

 

en sykje bern de fruchten

 

 

 

***

 

 

 

myn sêftgrien famke fan de skrale dagen

 

hjoed skout se alles fêst toplak

 

dan lekt op tulpenburch it dak net mear

 

de nijstêd hâldt it stjonken yn

 

alles wurdt in stoer goedkeaper

 

de prinsetún heint noait wer hjerst

 

sa bliuwt it altyd let-augustus

 

noait hear it is wer tiid

 

 

 

myn sêftgrien famke makket risselwaesjes

 

har fingers spinne aenst it flues