Trotwaer. Jaargang 1

[p. 141]

R.R. van der Leest /
Fersen

Surrogaet

wy wiene noch bern
doe't wy lollys fan de dútsers
sûkelade fan de kanadezen krigen
(har klean rûkten like sûr)
mar de oarloch bin ik troch kaem
mei dy swiete anysrook
út in leech buske
de ruijters gestampte muisjes

Útfanhûs

ik sliep al sa min om utens
mar nei't ik midden yn de nacht
omke oan muoike freegjen hearde
wolst my de rêch even klauwe
dat fyn ik sa noflik
ha ik gjin each mear ticht dien