Trotwaer. Jaargang 1

[p. 80]

Sikke Doele / Engagemint

ik skriuw oer ûngelokken
dy't ik net sjoen haw
ik praet oer de polityk fan lannen
dêr't ik net west haw
oer raketten fragmintaesjebommen
dy't ik net heard haw
oer guerillas ky de gaulle kiesinger
dy't ik net moete haw
oer hitler goebbels heydrich
dy't ik net meimakke haw
oer nij babylon
dat noch net ien sjoen hat

ik haw it fan hearren sizzen

en men moat der noch wol west hawwe
om der oer oardielje to kinnen

ek dat ha'k fan hearren sizzen