Trotwaer. Jaargang 1

[p. 15]

Geart van der Zwaag / Gedichten

der moatte fleanfjilden wêze fan frede
startbanen fan gerjochtichheit

der moatte fleanfjilden wêze to lânjen
hangars om to biskermjen

der moatte fleantugen wêze mei in bliid boadskip
op feilige route

groetnis

ik leau yn dyn oprjochtens

kin wy ris prate

ik hâld fan dy

kin wy ris prate

ik leau yn dyn oprjochtens

groetnis

bliuw mei beide fuotten op'e groun
sei it spoek
en it skoattele de hangars
ei nou in inkeld museum kin gjin kwea

der moatte fleanfjilden wêze fan frede
startbanen fan gerjochtichheit

der moatte fleanfjilden wêze to lânjen
hangars om to biskermjen

der moatte fleantugen wêze mei in bliid boadskip
op min ofte mear feilige route

[p. 16]

 

der bin twa goalen yn'e steateseal

 

ien mei muorke fan beks

 

antysypaesje op belsliden

 

 

 

it spul is yn himsels fordield

 

de goal symboal: hurdsté mei in út fjûr

 

en sinterklaes dea

 

 

 

dêrom mei elk wol opsette

 

en it deuntsje sjonge

 

 

 

soe it hast snije op'e twibaksmerk

 

bin der noch hynders to bisetten

 

dogge de bellen it wol

 

 

 

in âlde spreuk is in steun yn'e rêch:

 

ik jow gjin krimp

 

 

 

de foarteam is yn'e wapens

 

en de kriichsrop net fan'e loft:

 

thoe

 

thoe

[p. 17]

Uppsala

it hountsje fan hjirnêst
wol ek hyltiten
mar ús âld teefke
is der oerhinne
ik forstean har hâlding sa:
gean dou mar op twa poaten jonkje
ik lit my net forneuke

eukûmene
ekonomy

eukûmene
eukûmene
eukûmene
ekonomy

eukûmene
eukûmene
eukûmene
ekonomy

ekonomy
ekonomy

eukûmene
ekonomy