Trotwaer. Jaargang 1

[p. 6]

Tjitte Piebenga / Gedichten

It wyfke nu minh

de amerikanen hawwe mear troepen stjûrd
blablablablablabla
godfordomme
buorfrou krige in soan
met dank aan god geven wij hem de naam leo
leo nota bene

de roazen bloeiden dit jier as wyld
sjalotten skroeiden op in sek
en omke tys ús sûplap roun op bleate fuotten
hy sei ik woe da'k toffels hie
letter sylde de hjerst wyt troch de sleatten
earme roazen
en ik spriek in âlde flesse oan
oer de reed pipen de assen sa swier

met dank aan god geven wij hem de naam leo
mar god libbet as god yn frankryk en hâldt him stil
hwant it is gjin green pastures hjirre
- myn fjildmoezeniers seinigje wol
jow my mar in brette doffert of in banaentsje
en set de radio hwat sêfter
it knalt hjir sa -

it lytse brune ryswyfke sûnder rys
har eagen mei swiere gerdinen
en hannen as hiele âlde apels
hja rint fan ivichheit oant amen sûnder rys
har âldens forseit neat
ryklik let is hja altiten
it tinne flues as hja sliept
fan it lytse brune ryswyfke sûnder rys

[p. 7]

 

met dank aan god geven wij hem de naam leo

 

skielk is hy ek yn 't stiel bibiten

 

dat wie in tiid jongens

 

en god

 

- jow my in doekje foar 't fet

 

it dript my fan 'e fingers -

 

neef paulus pleitet wer

 

 

 

en ik ik spriek in âlde flesse oan

 

freed is it sint salarius

 

wy draeije bobby dylan

 

 

 

it âlde brune ryswyfke

 

it brune lytse ryswyfke sûnder rys

 

hja rint fan ivichheit oant amen

 

en buorfrou krige in soan

 

met dank aan god geven wij hem de naam leo

 

leo godfordomme