Dit is die tafel vanden Groten Lancfranck

[LXII] Dat vierde boeck of tractaet

Hier beghint die tafel vanden veerden boke of tractaet ende heft in hem II leringe. Dese leringe sijn beide van algebra (dats to seggen van brekinge der benen) ende van ontledinge der leden des lichaems ene daer bi die cure volghende ende hets in hem houdende II leringe. Mer die eerste leringe hevet VII capittelen. Dat eerste is een ghemeen capitel van brekinge der leden, dat ander is van brekinge der beenren des aensichtis, dat derde is van brekinge des caubeens of een furcule der borsten, dat IIII is van breken der ribben ende der spondilen, dat V is van breken der armen ende

[fol. 137r]

adjutorn, dat VI is van brekinge der deen ende der benen, dat VII is van fruetzeringe of wondinge der benen sonder breken.