Spektator. Jaargang 2

[p. 403]

aanhoudende beweging:

as ek sê: die grond in my fyntuin is vrugbaar vir berge,
dan beteken dit: dat berge so glasfyn, so hoog daar aard
en dat jou plek ook dáár is: sjerpa

met 'n vlag rooi oorwinning,

dat ek jou somerskemeringe só wil sien

as ek beweer dat die surrealisme die bevryding van die beeld is
dan openbaar ek volstrekte kennis, 'n aanvoeling

vir die ondergrondse wat rugbaar word:

dit wat 'n begrip soos 'n berg kan dra
met 'n sjerpa met 'n vlag rooi besinning

ai mens, kontakverslaafde, kom versóék snags
my vrylyf tussen die tamaties en die kool;
ai, dat 'n korrekte houding nou so moes verrot!
tot 'n berg met 'n vlag rooi versinsels!

Breyten Breytenbach