Sommighe psalmen ende ander ghesanghen die men in die Christe ghemeynte in dese Nederlanden is gebruyckende


¶ Den Lofsang der ionck-frouwen Marie, Luce. 1. MYn siel maect groot den Heer Mijn geest verhuecht hem seer In mijnen Godt vol trouwen Hy is mijn salicheyt
[fol C3r]
En wil oock de cleynheyt Sijner dienstmaecht aenschouwen Siet hierom sullen my Alle gheslachten vry Wel ghelucsalich achten Want onse Godt seer goet Groote dinghen nv doet Door sijn hant sterck in crachten Heylich is sinen naem En sijn goetheyt bequaem Sal eewichlick beclijuen Van Kints Kinderen voortaen Voor hem die recht wel gaen En in Gods vreese blijuen. Een schoon en Heerlick werck Door sijnen arm seer sterck Heeft gedaen God almachtich Hy heeft die stoute quaet En hares herten raet Tot niet ghemaeckt zeer crachtich Dit stout zijn, in hoochmoet Vol van eer en van ghoet Heeft Godt neder ghedreuen En die arm zijn en cleyn Heeft zijn ghoetheyt alleyn Seer Heerlick nv verheuen. Die arm zijn nae den gheest Den welcken honghert meest
[fol C3v]
Versaedt die Heer ghepresen Die Rijck sijn vol en groot Heeft hi ledich en bloot Van hem vry afghewesen. Hy verheeft Israhel Sijn Soon ende gedenct Aen zijn groote ghenade So hi heeft Abraham En tVolck dat na hem quam Toegheseydt vroech en spade.