Sommighe leerachtighe geestelijcke liedekens

[O Heere wilt my gheven]

Na de wijse van den 130. Psalm. Oft: O Zyon wilt u vergaren.

Singt met aendacht.

O Heere wilt my gheven,
^a Een vernederden gheest,
Om u woort te beleven,
Voor u oordeel my vreest,
^b O Heer wilt my verhooren,
^c Mijn sonden zijn so veel,
Laet my niet in smooren,
Dat bid' ick u gheheel.
2 Ick bidde u oock mede
^d Om wijsheyt end verstant,
O Heer dit is mijn bede,
V woort in mijn hert plant,
^e Op dat daer uyt mach spruyten,

a Ps. 51. 19.

b Psa. 5. 2. ende 25. 16.

c Ps. 38. 5.

d Sap. 9. 4.

e Iac. 1. 21.

[p. 613]

 

T'eyscht gheloove goet,^f

 

End mijnwerck mach uytmuyten,⁺

 

Duer u ghenade soet.⁺

 

3 Dit is mijn meeste bede,

 

O Heer maeckt my bequaem

 

Te zijn een van u leden,

 

An t'onbevleckte lichaem,

 

Dat ick daer an mach blijven,

 

^g Volstandich tot den endt,

 

Laet t'woort in my beclijven,

 

Bidd' ick u Heere jent.

 

4 Wilt mijn tonghe regieren,

 

Dat ick door u wijsheyt,

 

^h Mijn woorden mach bestieren,

 

Dat ick niet worde verbeyt,

 

ⁱ Want veel zijnder ghevallen,

 

Deur haer eyghen tongh quaet,

 

O Heer bewaert ons allen,⁺

 

V Gheest comt ons te baet.

 

5^k In sond' ben ick ontfanghen,

 

Door Adams aert seer broos,

 

Met vleesch ben ick behanghen,

 

Tis teghen uw altoos,

 

T'oude moet ick verlaten,⁺

 

^m Doende het nieuwe aen,

 

O Heer comt my te baten,

 

Wilt my altijt bystaen.

 

6 Wilt my o Heere leyden,

 

ⁿ In uwe waerheyt pleyn,

 

V woort in my verbreyden,^l

f Ro. 12. 5.

+ 1. co. 12. 27.

+ Esd. 5. 30.

g Mat. 10. 22. end 24. 13.

h Sy. 23. 1.

i pro. 16. 26.

+ Syr. 5. 25.

k Psa. 52. 9.

+ Rom. 5. 23.

m col. 3. 10.

n Ps. 25. 5. ende 86. 11.

l Gal. 5. 17.

[p. 614]

 

Ick bid u Heere reyn,

 

Ontfanckt my in ghenaden,

 

^o End sterckt my voor u woort,

 

Swackheyt heb ick gheladen,

 

O Heer my doch verhoort.

 

7 Ick dank u Heer verheven,

 

^p Ghy hebt gheopenbaert,

 

My den wegh tot den leven,

 

End u waerheyt verclaert,

 

Nu sal daer haest beginnen,

 

Eenen strijdt op te staen,

 

Gheeft dat ick mach verwinnen,

 

En laet my niet vergaen.

 

8 Hoe lustich macht daer wesen,

 

^q Al in de schoone stadt,

 

Daer sy die u hier vreesen

 

^r End lief hebben ghehadt,

 

Sullen zijn, end verblijden

 

⁺ Als sy crijghen haer loon,

 

Die hier veel moeten lijden,

 

^s Die crijghen dan de croon.

 

9 Maer waer sullen sy blijven,

 

Als Christus comen sal,

 

^t End salse van hem drijven,

 

De quaetdoenders voor al,

 

^u Och wat sal haer dan baten,

 

Alle des werelts schat,

 

Also God sal verclaren,

 

Die nu vet zijn en glat.

 

20 Hiermede wil ick enden,

o Ps. 90. 14.

p Matth. 31. 25.

q 4. Esdr. 7. 7.

r Esa. 64. 17.

+ Apo. 2. 10.

s Esa. 2. 43.

t ps. 125. 3.

u Sap. 5. 8.

[p. 615]

 

Verhoort mijn bidden slecht,

 

Wilt u niet van my wenden,

 

Maer leyt my altijt recht,

 

Wilt my altijt bewaren,

 

By d'uytvercooren dijn,

 

Want ick ben Ionck van Iaren,

 

Dat ick mach salich zijn.