Sommighe leerachtighe geestelijcke liedekens

Voor de vermaninghe:

Na de wijse van den 42. Psalm. Als een hert gejaecht O Heere.

Singt met aendacht.

Een nieu liet om te verstercken,
En verwecken d'herten reen,
Om neerstich Gods woort t'aenmercken

[p. 512]

 

^a Als Gods kinderen sy by een,

 

Dan comt oock de satan quaet,

 

^b Die als een leeu rontsom gaet

 

Soeckt uyt ons herte te keeren,

 

Gods salichmakende leere.

 

2 Laet ons den Heere nu prijsen,

 

^c En bidden hem met ootmoet,

 

^d Dat hy ons zielen wil spijsen,

 

⁺ Met t'Hemelsche broot seer soet,

 

^e D'welck is u levend' woort, Heer,

 

^f Gheeft elck mensch na sijn begheer

 

⁺ Sulcken lust ende smaeck even,

 

Als ghy Isrel hebt ghegheven.

 

3 Gheeft door uwen gheest verheven

 

(Heer) u dienaers cracht altijt,

 

Dat s'uwen naem eere gheven,

 

End u volck neerstich met vlijt,

 

^g Recht weyden met wijsheyt Heer

 

^h En door u heylsame leer

 

Den overtreeders recht leeren,

 

ⁱ Datse haer tot u bekeeren.

 

4^k Met Lidia laet u Heere,

 

Ons herten zijn op ghedaen,

 

Dat wy u woort ende leere,

 

⁺ Recht hooren en wel verstaen,

 

^l Helpt ons twoort bewaren altijt

 

⁺ Dat s'Hemels voghels dat niet,

 

^m Wt onsen herten wech rapen,

 

ⁿ Wilt daerom bidden end waken.

 

⁺ 5 Met beven ende oock met schroomen

a Iob 1. 6.

b 1. Pe. 5. 8.

c Ps. 95. 2. ende 33. 4.

d Io. 6. 34.

+ Mat. 4. 4.

e Io. 6. 68.

f Ma. 16. 20.

+ Heb. 4. 12.

g 1. Pe. 5. 2.

h Tit. 1. 9.

i Ps. 51. 15.

k ac. 16. 14.

+ Luc. 21. 33.

l mat. 12. 4.

+ Mar. 4. 15.

m Mat. 13. 19.

n Mar. 13. 33.

+ Luce 8. 11.

[p. 513]

 

^o Als Maria Magdaleen

 

Wilt voor Christi voeten comen,

 

Ter aerden u heel vercleent,

 

^p V sonden hertlijck beschreyt,

 

End bid' met ootmoedicheyt,

 

^q Hemelsche lieve vader,

 

Vergheeft ons sonden te gader.⁺

 

6 De Propheet gaet ons verclaren

 

Twelcke is tot onser leer,

 

Sy sullen voor u vergaren,

 

Recht of het mijn vollick weer

 

Sittend' voor u end hooren t'woort,

 

Maer gaen in giericheyt voort,

 

Met haren mont sy veeren,

 

Ofts' brandend' ontsteken weeren,

 

7 Doet so niet vrienden draecht sorghe

 

In s'herten camer altijt,

 

^r Bidt den Vader int verborghen,

 

Sluyt met Hanna u mont met vlijt,

 

Sy badt met roerend' lippen siet,

 

Maer haer stem hoorde men niet,⁺

 

Int hert aenbadt sy den Heere,^t

 

^v Die haer gaf haers herts begheere.

 

8^x Want de Heer us groot van crachten,

 

^y Die t'hert end nieren doorsiet,^a

 

⁺

 

^z Hy weet al onse ghedachten⁺

 

Wat wy doen hy al bespiet,⁺

 

^b Tis heymlijck oft openbaer,

 

Voor hem als die sonne claer

 

Ia, vrienden merckt doch by desen,

o Lu. 7. 37.

p Lu. 7. 38.

q Lu. 11. 2.

+ Mat. 6. 9.

r Ezec. 33. 31.

+ Mat. 6. 6.

t 1. Samu. 1. 13.

v 1. Samue. 1. 27.

x Ier. 10. 6.

y Iere. 17. 10.

a Ps. 33. 15.

+ 1. Sa. 16. 7.

z Iob 42. 2.

+ Syr. 43. 4.

+ Syr. 15. 24.

b Syr. 17. 19.

[p. 514]

 

^c Soudmen sulcken God niet vreesen.

 

9^d De wijsheyt die claecht daer buyten

 

Godes woort wert nu ghehoort

 

Wilt u ooren nu niet sluyten,

 

⁺ Ghy traghe ghelooft Gods woort,

 

^e Veracht niet des Heeren raet,

 

^f Ghelijck in Lucas seven staet,

 

^g Wordet uyt den Gheest ghebooren,

 

Ontvliedet nu Godes tooren.

 

10 Hoort doch na schrifture verclaren

 

Also daer gheschreven staet,

 

^h Wilt uwen voet wel bewaren,

 

Als ghy in s'Heeren huys gaet,

 

Om t'hooren des Heeren woort,

 

ⁱ Waer door salicheyt oorboort

 

⁺ Diet hoort en bewaren beyden,

 

^k Ende haer daer toe bereyden.

 

11 Ghelijck God tot Moysen seyde,

 

^l Gaet en segt dat volck seer ras,

 

Dat sy haer nu gaen bereyden,

 

End dat elck sijn cleed'ren wast,

 

^m Om te hooren s'Heeren woort,

 

Dats' my leeren vreesen doon

 

⁺ End haer dan souden bekeeren,

 

⁺ Dat syt oock haer kind'ren leeren.

 

12 So moetmen naer Schrifts vermonden

 

ⁿ Oock wasschen alsoot behoort,

 

^o Den bevlecken rock der sonden,

 

^p Door het water badt, int woort,

 

In Christi bloet wit en fijn,

c Ier. 10. 7.

d pro. 1. 20. ende 8. 1.

+ Matt. 24. 48.

e pro. 13. 13.

f Luc. 7. 30.

g Ioa. 3. 5.

h pred. 5. 1.

i mat. 7. 20.

+ Luc. 11. 28.

k syr. 2. 18.

l Ex. 19. 10.

m deu. 4. 10. ende 6. 20.

+ Rom. 2. 15.

+ Iac. 1. 22.

n Esa. 1. 16.

o Iudas 1. 23.

p Tit. 3. 5.

[p. 515]

 

^q Door t'gheloof ghereynicht zijn,

 

Van sonden door Gods Gheest crachtich,

 

^r Der Godlijck natuer deelachtich

 

13^s Hierom moeten wy verlaten⁺

 

Des werelts qua lusten snoet,⁺

 

^t Gaen niet op haer wegh en straten,⁺

 

Daermen grauwelijck boosheyt doet,⁺

 

^u Drincken, vloecken, ghekijf, haet,⁺

 

Stout, gierich, vol overdaet,

 

Gulsichlijck, drincken en eten,

 

Daer wort Godes woort vergheten.

 

14 Leeft ghy na des vleeschs behaghen,

 

So moet ghy sterven de doot,^x

 

^y Dat sult ghy dan seer beclaghen,

 

In u alder laetste noot,⁺

 

^z Die in lusten leven bloot

 

Zijn, seyt Paulus levend' doot,

 

^a Hierom cruyst doch u vleesch seere

 

Met sijn lust en qua begheere.

 

15^b Al die van sonden afkeeren,

 

En houden haer vleysch in dwanck,

 

^c Bidden int gheloof den Heeren,

 

Die niet gaen haer ouden ganck,

 

^d Verhoort God na Schrifts bediet,

 

^e Maer verhoort de sondaers niet,

 

Die haer niet willen bekeeren,⁺

 

^f Al roepense Heer der Heeren.

 

16 Tot sterven wilt u bereyden

 

Wy weten hier uer noch tijt,

 

Haest moeten wy van hier scheyden,

q Act. 15. 9.

r 2. Pe.1. 4.

s 4. Esd. 16. 68.

+ Rom. 6. 12.

+ Tob. 4. 4.

t Psal. 1. 1.

+ Tit. 2. 12.

+ Pro. 1. 15.

u Ga. 5. 19.

+ 1. Io. 2. 16.

x Ro. 8. 13.

y sap. 5. 3.

+ 4. Es. 9. 12.

z 1. tim. 4. 6.

a Col. 3. 51.

b sy. 17. 23.

c Iac. 1. 6.

d Psal. 66. 18.

e Io. 9. 31.

+ Esa. 59. 2.

f Matt. 7. 21.

[p. 516]

 

^g Dus waeckt ende bidt altijt

 

⁺ Die Heer comt seer onbedacht,

 

^h Ghelijck een dief in der nacht

 

⁺ Wel dien die hy vindet waken,

 

⁺ En in sonden niet en slapen.

 

17 Die dit dichte met verblijden,

 

⁺ O Heere wilt hem by staen,

 

⁺ Wilt hem altijt helpen strijden,

 

⁺ Teghen al wat hem mach schaen,

 

Gheeft hem doch onbevreest Heer,

 

T'woort te spreken tuwer eer,

 

End om sijn naesten te stichten,

 

Doet u gheest wilt hem verlichten.

g Mat. 24. 42.

+ mar. 13. 33.

h 1. tes. 5. 2.

+ 1. Tes. 5. 6.

+ Luc. 12. 40.

+ 2. pet. 3. 10.

+ Apoc. 3. 3.

+ Luc. 12. 37.