Sommighe leerachtighe geestelijcke liedekens

Den 133. Psalm.

Na de wijse, Hy mach wel vrolijck wesen.

Singt met aendacht.

Siet hoe fijn en hoe lieflijck mede
Ende hoe genoechlijck ist,
Dat broederen in vrede
Woonen met eendrachtichede
By malcanderen sonder twist
2 T'is gelijck als de vermaerde
Balsem, costelijck en goet,
Die bloeyt als d'ongespaerde
Van den hoofde in den baerde
Ia den baert van Aaron soet.
3 Die daer van boven verheven,
Tot in sijn cleet af vloeyt
Ghelijck den dauw becleven
Die van Hermon daelt gedreven
Ende de berghen Syon besproeyt.
4 Want die Heere onversweghen
Die belooft te geven aldaer
Sijnen troostelijcken seghen
End het leven al te deghen
In der eewicheyt eenpaer