Sommighe leerachtighe geestelijcke liedekens

Den 122. Psalm Davids.

[p. 380]

Singt met aendacht.

So haest als ick hoore spreken
Wel an laet ons alle seer saen,
In dat huys onses Heeren gaen,
Met vreucht is mijn hert ontsteken,
2 Dat ons voeten sullen hier naer,
Staen binnen, de poorten eerbaer,
Van Ierusalem wel gestichtet.
3 Ierusalem is gebout vast,
En door vrede tsamen gepast,
End tot een stadt Gods sijn gerichtet.
4 Daer sal dat volck comen te saem,
De stammen Israels met een,
Om God te prijsen int ghemeen
Na sijn lieflijck gebodt bequaem.
5 Dit is de plaetse die God goet
David geeft end wilt datmen doet
Recht end gerechticheyt daer binnen,
Laet ons wenschen Ierusalem
Geluck, het moet ooc wel gaen hem
Die onses Gods stadt sal beminnen.
7 Binnen u mueren woonen sal,
Liefde, vrede, met eenicheyt,
De huysen end paleysen breyt
Zijn vol van Gods segening' al,
8 Om den wil der broederen mijn,
En der vrienden die binnen zijn
Wensch ick u vreed' in allen hoecken.
9 Om dat ooc Gods tempel seer reyn

[p. 381]

 

Staet binnen u mueren niet cleyn,

 

Wil ick steedts uwen voorspoet soecken.