Sommighe leerachtighe geestelijcke liedekens

[Ryst uyt den slaep ghy s'Heeren knecht]

Na de wijse van den 68. Psalm. Staet op Heer toont u seer.

Singt met aendacht.

Ryst uyt den slaep ghy s'Heeren knecht^a
V rekeninghe overleght,
Wilt neerstich over sommen,
Oft alle u saken staen recht,
Maer in u herte niet en secht,^b
Mijn Heer vertreckt te commen,
Wilt so niet roemen als versteent
Sijn comste, als ment niet en meent,
Sal haestelijck gheschieden,
Neemt waer den tijt u hier verleent,^c
Op dat ghy namaels niet en weent,
Maer weerdich zijt t'ontvlieden,

a Mat. 25. 21.

b Mat. 25. 48.

c mat. 8. 12. ende 13. 42.

[p. 194]

 

2 Die Heere comt die eeuwich leeft,

 

^d Daert alle voor verschrickt en beeft,

 

^e Om te oordeelen crachtich,

 

Elck sie dat hy goe reden gheeft,

 

^f Van elcken woorde dat hy heeft,

 

Ghesproken, onvoordachtich,

 

^g Bidt eendrachtich na sijn vermaen,

 

⁺ Dat ghy dan voor hem mocht bestaen,

 

^h Als hy elcken sal loonen,

 

⁺ Na dat hy sal hebben ghedaen,

 

⁺ Tzy goet of quaet ende niet aen

 

⁺ Sien eenighe persoonen.

 

3^k Siet oft ghy hebt ghedaen profijt

 

ⁱ Met t'pont des Heeren nu ter tijt,

 

^l End of ghy als ghepresen

 

Vruchtbaer in Gods kennisse zijt,

 

⁺ En of ghy hebt met al u vlijt,

 

Int gheloof denckt bewesen,

 

In desen bescheydenheyt vroet,

 

Maticheyt end lijdtsaemheyt goet,

 

Godsalicheyt eersame,

 

En broederlijcke liefde soet,

 

Met der ghemeener liefden gloet,

 

Overvloedich bequame,

 

4 Ist so, u wert seer autentijck,

 

^m Ontsloten overvloedelijck,

 

Den inganck sonder falen,

 

Tot des Heeren schoon lustich rijck,

 

Daer niet besmeurt met sondich slijck,

 

In comt, na schrifts verhalen,

d Esa. 3. 12.

e Iuda. 14.

f Matth. 12. 36.

g Lu. 21. 33.

+ Apo. 2. 23.

h Mat. 16. 27.

+ Rom. 2. 11.

+ Rom. 2. 6.

+ 2. cor. 5. 10.

k Mat. 25. 15.

i act. 10. 34.

l 2. pet. 1. 6.

+ Luc. 19. 12.

m 2. Petr. 1. 11.

[p. 195]

 

ⁿ En wilt niet dwalen broeders, want

 

In dat eeuwich beloofde landt,

 

En comt gheen onbesneden,

 

^o Welck besnyden in reyn verstandt,

 

Gheschiet door Gods Gheest sonder handt,⁺

 

Aen d'inwendighe leden,⁺

 

5 Anders t'besnijden niet en ghelt,

 

Daer moet zijn so de schrift vertelt,

 

^p Een nieuwe creatuere,

 

Dus strijt dat ghy behoudt het velt,

 

En t'rijck in nemet met ghewelt,

 

Als Christus in figuere:

 

Sijn puere, voetstappen eerbaer,

 

Cruys-liefdich ghesint volghet naer,

 

In woorden en in wercken,

 

Door veel verdriet en lijden swaer,^q

 

Gaen en int Hemelrijcke claer,

 

So wy aen Christum mercken,⁺

 

6 Princelijck knecht weest wel bedacht

 

^r Houd t'aller ure goede wacht,

 

Want uwen Heer ydoone

 

Sal comen met al sijn Heyrcracht,⁺

 

Ghelijck eener dief in der nacht,⁺

 

Waeckt ghy, tot uwen loone,⁺

 

^s De croone, sal wesen u deel,

 

Een onverganckelijck juweel,

 

Dat eeuwich leven jeuchdich,

 

^t Volcomen blijtschap al gheheel,

 

Al in dat lustich schoon prieel,

 

Wert u ghegheven vreuchdich.

n Gal. 6. 9.

o Ios. 5. 2.

+ Col. 2. 11.

+ Rom. 2. 29.

p Gal. 6. 17.

q Luc. 24. 25.

+ Act. 14. 22.

r Mar. 13. 35.

+ Matt. 24. 43.

+ Apo. 10. 15.

+ 2. Petr. 3. 10.

s Apo. 2. 10.

t Ioan. 16. 24.