Sommighe leerachtighe geestelijcke liedekens

Den 34. Psalm.

Na de wijse, Het sadt een snee wit voghelken, Al op sijn eerste pluyme.

Singt met aendacht.

Ick wil den Heere ghebenedijdt,
Loven prijsen tot allen stonde,

[p. 98]

 

Sijnen lof sal ick tot aller tijt,

 

Wt spreken vry met mijnen monde.

 

2 Mijn ziele sal van den Heere groot,

 

Haer seer hoochhelijcke beroemen,

 

Soo dat diet hooren (zijnde in noot,)

 

Blijtschap en vreucht daer af sal comen.

 

3 Laet ons dne Heere met groot ootmoet

 

Loven end prijsen al te samen,

 

Hooghe verheffen sijn name soet

 

Hy gaet te boven alle namen.

 

4 Wanneer ick den Heere sochte siet,

 

Antwoordende sprack hy seer sachte,

 

End hielp uyt vreede end verdriet

 

Door sijnen gheest die uw verachte.

 

5 Alle menschen die op hem sien,

 

Sal hy seer wonderlijck verlichten,

 

Gheen schande sal haer moghen gheschien,

 

T'Weet al goet en recht wat sy stichten.

 

6 Doen den ellendighen mensche riep,

 

^b De Heere sijn stemme verhoorde,

 

En hielp hem uyt sijn lijden diep,

 

Vertroostende met sijnen woorde.

 

7 De Enghel des Heeren Leghet maeckt

 

^c Rontom die hem vreesen en eeren,

 

Hy helptse uyt noot ende hy waeckt,

 

⁺ Voor menschen die Gods lof vermeren,

 

8 Wilt smaken en met ooghen aenschouwt

 

Hoe vrintdelijck dat is de Heere,

 

^d Wel den mensche die op hem betrout,

 

Ende van hem scheyt nemmermeere.

b Psa. 12. 6.

c 4. Ref. 6. 16. ende 19. 36.

+ Psalm 25. 2.

d Ps. 2. 120. ende 34. 9.

[p. 99]

 

9 Vreest hem ghy fijne heylighen al^e

 

Want die hem vreesen en beminnen,

 

Gheen ghebreck daer overvallen sal,^f

 

Noch gheen ghewelt salse verwinnen.

 

10 De rijcke honghert en het ghebreck

 

Maer die den Heere neerstich soecken,^g

 

Worden gheholpen uyt allen dreck,

 

Bevrijdt van schaed in allen hoecken.

 

11 Comt herwaerts kinders hoort na my,

 

De vreese Gods sal ick u leeren,

 

Al die begheeren te leven vry,

 

Gherust van herten en met eeren.

 

12 Behoet u tonghe voor alle quaet,^h

 

Maeckt dat u lippen niet en spreken,

 

Eenich bedroch of valschen raet,

 

Dwelck doet den bant der liefden breken.

 

13 Laet af vant quade en doet dat goet,ⁱ

 

Soeckt vrede en wiltse vermeeren,^k

 

Want so wie dat gherechtichyeyt doet,

 

Op hem sien de ooghen des Heeren.⁺

 

14 Ende sijn ooren oock openstaen,

 

Om sijn bedinghe te ontfanghen,^l

 

Maer met den quaden salt anders gaen,

 

Die de boosheyt altijt aenhanghen.⁺

 

15 Want seer vreeselijck is Gods aenschijn⁺

 

Aensien den boosen, en uytroyen,

 

so dat nu noch op gheenen termijn,

 

Haer ghedachtenisse sal groeyen,

 

16 Als die oprechte roept God die hoort,

 

En verlost hem uyt sijn ellendt,

e Ps. 128. 1.

f psa. 111. 5.

g Luc. 1. 49.

h 1. pe. 3. 10.

i Col. 3. 14.

k Ps. 34. 15. ende 37. 27.

+ amos 5. 15.

l Ps. 33. 18. ende 34. 16.

+ eccl. 15. 24.

+ 1. Pet. 3. 12.

[p. 100]

 

Door sijn ghenade met goet accoort

 

Maeckt hy sijn lijden een goet eynde.

 

17^m Die Heere is den menschen na by

 

Al die ghebroken zijn van herten

 

⁺ Ende den sachtmoedighen helpt hy

 

Wt angst, noot, lijden, ende smerten.

 

18 Den rechtveerdighen seer vele hert

 

ⁿ Maer God bevrijdt hem van misvalle

 

So datter niet en ghebroken wert.

 

Van sijndere ghebeenten alle

 

19 D'ongheluck sal d'oon den boosen man

 

En al die den gherechten haten,

 

Sullen haer beschuldighen daer an,

 

Hoe hooghe dat sy zijn van staten.

 

20 God die verlost oyt alle ghepijn,

 

⁺ De Zielen van alle sijn knechten

 

En die op hem betrouwende zijn,

 

⁺ Sal hy ghenadelijck rechten.

m ps. 34. 19. ende 51. 19.

+ Esa 57. 13. ende 61. 1. ende 66. 2.

n 2. Timo. 3. 12.

+ Psa. 2. 12. ende 34. 23.

+ Ier. 17. 7.