Sommighe leerachtighe geestelijcke liedekens

[Comt al van Suyden en van Oosten]

Na de wijse van den 66. Psalm. Ofte: De Voghelkens in der muyten.

Comt al van Suyden en van Oosten,
die met u sonden zijt belaen,
^a Ick sal u wel lieflijck vertroosten,

a Ioan. 6. 51.

[p. 46]

 

met mijn vleesch sal ick u versaen,

 

Ick ben de fonteyne verheven,

 

^b Al die dorst heeft die come naer,

 

die daer uyt drinck' sal eeuwich leven

 

Spreeckt Christus in het openbaer.

 

2.^c Ick en ben hier oock niet ghecomen,

 

O mensche teer zijt dits wel vroet,

 

Om dat ick u soude verdomen,

 

maer verlossen en al met mijn bloet,

 

Ick begheer in u herte te woonen,

 

daer en moet gheenen ander in,

 

Alleen so moet ghy op my stoonen,

 

Of ghy en comt niet daer ick bin.

 

3^d Ick bin de wijnstock uyt ghesproten

 

Spreeckt Christus vry, verstaet mijn woort,

 

Blijft vastelijck in my ghesloten

 

Ghy sult brenghen goe vruchten voort,

 

maer laet ghy u also becleyden,

 

dat ghy het menschen troost aensiet,

 

Ghy wert van den wijnstock ghescheyden,

 

V vruchten sullen dooghen niet.

 

4^e Daerom hebt lief uyt vercoren,

 

die u in de werelt doen quaet,

 

⁺ die u boosheyt legghen te voren,

 

Biddet daer voor t'is Christi raet

 

Wamt hy doch selve heeft ghesproken

 

Aen den cruyce met luyder stem,

 

^f O Vader laet met sijn ghewroocken,

 

Ick bidde u verghevet hem.

 

5 En vreset niet alle te samen,

b Io. 7. 37.

c Luc. 9. 56.

d Ioa. 15. 1.

e Matth. 5. 44.

+ Luc. 6. 27.

f Lu. 23. 33.

[p. 47]

 

^g Mijn woort voor die werelt belijdt,

 

Of ick sal u weder beschamen,

 

Voor mijn Vader ghebenedijdt,⁺

 

Aldus en wilt u doch niet vreesen

 

Maer strijdet cloeck met herten vro,

 

^h Laet de knecht ghelijck den meester wesen,

 

Het belieft den Vader also.

 

6ⁱ Ick ben een goet herder wilt vaten,

 

Ick gae alle mijn schaepkens veur,

 

Ick wil mijn leven daer voor laten

 

Ick ben alleen de rechte deur⁺

 

Ende laet u doch niet verleyden

 

Van die buyten de deur passeert

 

Het zijn dieven en moordenaers beyden,

 

Spreeckt Christus also hy ons leert.

 

7^k Niemant en comet tot den Vader,

 

Dan door den Sone Gods alleen

 

Hy biddet voor ons allegader,

 

Dus weest doch met Christo te vreen,

 

Ende wilt vast op hem betrouwen

 

^l Hy is die verworpene steen

 

Doen ghy het niet t'sal u berouwen

 

Als ghy van hier salt moeten scheen.

 

8 Prince God aensiet ons ellenden

 

Hier in dit droevich aertsche dal,

 

Wilt uwen Gheest hier nedersenden,

 

Die ons alle vertroosten sal,

 

Soo moghen wy de eere gheven,

 

V al in den Hemelschen troon,

 

Door Christum, hy is onse leven

g Matth. 10. 32.

+ Luc. 12. 8.

h Matth. 10. 32.

i Ioa. 10. 9.

+ Ioa. 13. 16.

k Ioa. 14. 6.

l Matth. 21. 42.