Sommighe nieuwe schriftuerlijcke liedekens

Een nieu Liedeken,

nae de wyse: Jerusalem hoort, uws Conincx woort.

FOnteyne soet // alleyne goet,
Om ons te wasschen schoone,
Is Christus bloet, waerdeur men moet,
Worden volmaeckt ydoone,
Al die sondich belaen,
Haer in dit water baen,
Sullen reyn worden saen,
Dus comen wy ghestadich,
Tot u, wilt ons ontfaen,
⁺Want ghy sijt seer ghenadich,
⁺Een claer Fonteyn // sijt ghy alleyn,
⁺Levendich water fijn // als Wijn,
Die t' herte reyn, verheught certeyn,
⁺En oprecht Medecijn.

⁺Dit water claer // is openbaer,

⁺Ghepresenteert te drincken,
⁺Al die daer naer // dorsten voorwaer,
⁺Om niet wil hy dat schincken,
Al die comen tot hem,
⁺In 't nieu Jerusalem,
⁺Hoorende nae zijn stem,
⁺En haer selven versaken,
Sullen als Schaepkens tem,
Van den goeden dranck smaken,

+ Psa. 103/8

+ Exo. 34/6.

+ Apo. 22/17

+ mat. 9/12.

+ Esa. 55/1.

+ Joan. 7/37.

+ Apo. 22.17

+ Apo. 21/6.

+ Apo. 21/2.

+ Joan. 10/3.

+ mat. 16/24.

[p. 49]

 

In eeuwicheyt // wert haer bereyt ⁺

 

Te sijn in groote vreucht // verheucht,

 

Dit al voorseyt // met groet bescheyt,

 

Doet ons dit water deucht.

 

Maer Israel // verliet rebel, ⁺

 

Die goede water-ader, ⁺

 

En graefden snel // vuyl putten sel,

 

Waterloos allegader,

 

Veel vremde vonden sijn

 

Ghebruyckt op dit termijn,

 

Buyten Christum divijn,

 

Om salicheyt verwerven,

 

Maer eylaes Godts aenschijn

 

Sullen zy moeten derven,

 

Want alle die // Afgoderie, ⁺

 

En sulcke sonden doen // seer coen,

 

Godts heerschappie // sal straffen wie

 

Zij sijn, naer dit saysoen.

 

Godts straffe sal // die Sondaers al, ⁺

 

Treffen, en niemant sparen,

 

Op den wech smal // sonder afval, ⁺

 

Wilt ons, o Heer, bewaren,

 

Laeft ons met des Gheests dranck, ⁺

 

Want wy inwendich cranck,

 

Moeten ons leven lanck

 

U hulpe sijn deelachtich,

 

Om gaen den rechten ganck,

 

Anders sijn wy niet machtich, ⁺

 

Wat ons gheschiet // verlaet ons niet,

 

Hier nu noch nemmermeer // o Heer,

 

Als ghy ons siet // in swaer verdriet,

 

Draeght onse swackheyt teer.

 

Prince ghy sijt // tot aller tijt, ⁺

 

Die ons helpt t' velt behouden,

 

Ghy voor ons strijdt // als wy met vlyt, ⁺

 

Vierich sonder vercouden,

 

Vrymoedich blyven staen,

 

Sonder u af te gaen,

 

Met t' Harnasch aenghedaen, ⁺

+ Esa. 51/11.

+ Jere. 2/10.

+ Jer. 17/12.

+ Apo. 22/15

+ deu. 10/17.

+ Mat. 7/13

+ esa. 44/3

+ Joan. 15/6

+ 1 cor. 15/57.

+ 2 cor. 2/16.

+ eph. 6/10.

[p. 50]

 

Bereyt om cloeck te vechten,

 

Doende nae u vermaen,

 

⁺Als goe ghetrouwe Knechten,

 

O Prince Godt // ick bid in 't slot

 

⁺Mijn ghebedt doch verhoort // en voort

 

⁺Nae u ghebodt // leydet ons recht tot

 

⁺s Levens Fonteyn accoort.

G.V.E.

Desen. 17. Februarij, 1589.

+ Matt. 24. ende 25.

+ Psa. 143.1

+ Apoc. 7.17.

+ Psal. 36.9