Segheliin. Codicologische, bibliografische en tekstkritische studie en editie

[p. 27]

13.G

	Ende seide blensefluer lieue minne	438
375	Dit kint is doot het en sel mi	439
	Niet moghen doden ic ben vri	440
	Des hebbe mamet lof ende eere	441
	Noch is hi een gheweldic heere	442
	Dat ghi mi dus can voersien	443
380	Van daer mi mochte of misschien	444
	Die vrouwe seide ic ben blide	445
	Dat dit kint doot is te tide	446
	Daer ons of mochte misschien	447
	Die cameriere quam mettien	448
		449
385	Mer doen si tkint dus doot sach	450
	Soe maecte si groot hantgheslach	451
	Die vrouwe was herde blide	452
	Dat seg ic v ten seluen tide	453
	Dat si den coninc hadde verdult	454
390	Ay god here seit si ghi sult	455
	Mi troesten des hopic zeere	456
	Dat kint was met groter eere	457
	Begrauen ende bestaen	458
	Daer wert gelaten menigen traen	459
395	Vanden luden om dattet kint waer doot	460
	Die astronime echter scoot	461
	Des nachts in enen boeck ende las	462
	Doe sach hi wt vanden pallas	463
	Dat een kint des daghes te voren	464
400	Leuende vander vrouwen was geboren.	465
	Hi ghinc weder ten coninck	466
	Ende seide hem dese dinck	467
	Heer coninc wacht v hier teghen	468
	Ghi sijt herde zeer bedreghen	469
405	V kint leeft noch owy owach	470
	Het wert gheboren ghister nacht	471
	Nu wacht v dat ghi v voersiet	472